اضحك الدنيا حلوه

اثنين مساطيل واحد قال للتاني تصدق بالي مشغول ،

قاله الثاني أكيد السماعه مرفوعه


------


مرة واحد مسطول ماشي قدام مزرعه لقى مكتوب عليها من بره ((مزرعة عجول)) دخل للبواب وقاله "يا عم

انت بتزرعوا العجول ازااااي ؟" البواب شافه مسطول قال اراضيه بكلمه علشان يمشي قاله "احنا بنرمي السكر

على الارض وتاني يوم بتطلع العجول." روح المسطول البيت ورمى سكر على الارض تاني يوم لقى النمل

كتييييييير على الارض قلهم "يا حلاوة العجول وهي صغيرة


------


مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه تفتح


وقالت يلهوي جوزى


فقام جوزها ونط من الشباك.....


------


اتنين مساطيل واحد سأل التاني هو النهارده السبت و لا الحد ؟؟ قاله الاتنين قاله ماشاء الله هما بقو سوا


------


مره اتنين مساطيل مشين فلقوا واحد مرمى على الارض فالمسطول الاول بيقول للمسطول التانى مش ده عبدو

قال له اه قاله مش ده بيته قاله اه قاله طب بينا نطلعه قاله ماشى فالاول بيقول للتانى مش دى شقته قاله اه قاله

مش دى أوضته قاله اه قاله طيب ارمى وبعدين نزلوا تانى فلقوه برده مرمى فالاول قال للتانى مش ده عبدو قاله

اه قاله مش احنا طلعنا قاله اه قاله طب بينا نطلعه قال له بينا فسالوا البواب مش ده عبدو قال لهم اه فخدو معاهم

البواب فقالوا مش دى شقة عبدو قالهم اه مش دى أوضته قال لهم يخرب بيتكو دى البلكونه

------


اثنين مساطيل قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد

هما جايين علينا


------


مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه

خدوها و ربوها لغايه ما كبرت وفى الاخر طلعت أمهم....!


------


واحد مسطول اتصل بشركة الطيران بيسأل الموظفة: الطيارة من هنا لأمريكا تاخد اد اية؟


قالتلة: دقيقه واحدة يافندم

قالها: شكرا وقفل السكة


------


واحد مسطول كان حيخبط واحدة بالعربية .

قالتله انت ماشفتنيش .

قالها أيوه شفتك بس مش فاكر فين؟؟



------


واحد مسطول راح السوق علشان يبيع الكلب بتاعه

قعد وحط الكلب جنبه

عدى عليه مسطول تانى

وقال بكام القرد ده

رد المسطول الاول ده مش قرد ده كلب انت اعمى؟؟؟

المسطول التانى قاله يا عم و انت مالك

انا مش بكلمك انا بكلم الكلب


------


مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح

التانى مسكها وبص فيها وقاله إيه يا عم انت مسطول ده انا



------


اتنين مساطيل حبو يزيفو فلوس , راحوا عاملين فلوس كتير الورقه بـتمنتاشر جنيه , و راحو لواحد صاحبهم و

قالو له معاك فكة تمنتاشر جنيه , قال لهم تاخدوهم تسعتينات؟


------


مسطول ماشى فى الشارع

لقى عمود نور مكتوب عليه شقة للايجار


قعد يخبط على العمود لغاية لما جاله مسطول تانى قال له انت بتعمل ايه هنا

قال له اصلى لقيت مكتوب شقة للايجار قمت قعدت اخبط بس محدش رد علىّ

قام التانى قال له غريبة مع ان الجماعة منورين النور فوق