اضحك مع السواقين المصريين

النهارده جايبلكم شويه عبارات من اللي بيكتبها السواقين علي التاكسي اوالباصات

واظن ان دي مهاره مش ممكن حد غير المصريين يفكر يكتبها

"تعمل حسابي أقدرك، تهزر معايا أعورك"

" الحلوه لما تتدلع، تخلى الاسفلت يولع "

" ما تبحلقش كده يا لوح، دي جت بطلوع الروووح "

" ما تبصش كده يا عبيط، الحلوه دي بالتقسيط "

" سوقوا بالراحه يابهايم، أصل سواق العربيه نايم "

"الحلوه خوخه ،جت بعد دوخه "

"الحلوه تفاحه، للسفر والسياحه "

" دلعها فى الغيارات، وريحها على المطبات "

" متقولش دى بكام دى جايه بدهب المدام "

" ان نام السبع ،شويه كــلاب يكلوه "

" لما كنت عصفور كلونى، ولما بقيت اسد صاحبونى "

" عضه اسد ولا نظره حسد "

" العجوز دا رياضي والدكر يمشي قصادى "

" الحلوه مش ورث دى جايه بطلوع الضرس "

" سولار وربك الستــــــار "

" سولار فى التانك ولا مليون فى البنك "

" طلبنا من ربنا ادانا وعيون الناس مش سايبانا "

وفى عربية نقل من غير مقطورة صاحبها كاتب عليها

" متزعليش يا أمورة بكرة اجيبلك المقطوره "