بنات اليومين دول كماله عدد ولا ايه

من طرف **noway2love** الخميس مارس 12, 2009 9:08 am

" هو فى رجاله اصلآ "
.. بسم الله ما شاء الله الكلمه ده بقت موضه اليومين دول عند كل البنات
كل ما تسأل واحده يا حلوه متجوزتيش ليه وليه ما وافقتيش على
العريس اللى اتقدملك . تقولك ما ارتحتش بعد ما تطلع فيه القطط الفطسانه
ترزع جملة
" هو فى رجاله اصلآ "
وسعوا شويه كده عزيزاتى الانسات مصر مليانه رجاله ايوه والبنات اقل من الرجاله ... مصر مفيهاش بنات واللى مش مصدق يجى ورايا للسطور اللى بنات اليومين دول كماله عدد ولا ايه Praying

بنات اليومين دول كماله عدد ولا ايه Praying

تحت

بتعرفى تطبخى يا حلوه ؟..
اعتقد ان معظم الشباب المتجوز حديثآ بيعانى من المشكله دى لان الست هانم
ملهاش علاقه بالمطبخ لانها كانت مشغوله فى السنين اللى فاتت من عمرها
بال make up والمرايه وسماع عمرو دياب لتكون النتيجه بعد الجواز مصيبة لما تدخل المطبخ
رز شايط .. ومكرونه محروقه .. وفرخه مغسوله بالرابسو
ياريت المسأله تنتهى عن كده .. لأ .. دا فيه غرامات ماديه مش بس الخساير بنات اليومين دول كماله عدد ولا ايه Angry

بنات اليومين دول كماله عدد ولا ايه Angry

اللى حصلت فى المطبخ
لكن كمان فلوس اكل التيك اواى اللى هايجى من بره والميزانيه تضرب
يعنى اتجوزتك يا حبيبى علشان يا عينى تخرب بيتك , واوعوا تفتكروا ان الضعف العام
اللى بيعانى منه الطفل المصرى بسبب الفقر بس , صدقونى السبب الرئيسى
ان الامهات الشابات مبيعرفوش يعملوا اكله عدله لا للراجل ولا للبيبى

طيب ..
تعرفى يا حلوه تعملى ميزانيه
الحق يتقال ان معظم بنات اليومين دول شطار فى عمل ميزانيه لل make up
وسى ديهات عمرو دياب واليسا وتامر حسنى والبرفانات وممكن تكون رومانسيه قوى
فتربيلها فى البيت قطه .. والقطه عايزه اكل او سلحفاه والسلحفاه سخنت عايزه دكتور
وتلاقيها مهتمه بالورد .. يعنى يعيش الورد والسلحفاه والقطه ويموت الراجل من الجوع

انت مش مهتم بيه " شعار خراب البيت على ايد الاموره الشابه يبدأ من هنا
والمصيبة بقى " انت ما بتحبنيش زى الاول " ..
ومن هذه الجمل الشاب المسكين يحاول ان يثبت للهانم انه مهتم بيها وانه بيحبها
سينما يالا .. مصيف يادوب نلحق .. الشهر اللى جاى يومين فى شرم وبسب الاثبات ده
غالبآ ما بيتفصل من شغله المسكين .. ولو ما حاولش يرضى الحلوه تلاقيها رافعه عليه
قضية خلع , الله يرحمك ياست امينه يا اميره يابنت الامرا ويرحم ايامك اللى كنتى بترضى
فيها بأى حاجه وعمرك ما قولتى مش مهتم بيه .
ثم فين البنت النهارده اللى تقدر تستحمل ظروف الشاب ؟.. وتقدر تحافظ على اسرار الراجل
من غير ماتنشرها ويلاقيها تانى يوم عند صاحبتها مديحه وانتيمتها رشا وزميلتها نهله
ثم ايه حكاية " استقلالى ومشاعرى .. واحساسى .. وشخصيتى "
فين ايام امهاتنا وجداتنا اللى كانت الواحده منهم ستر وغطا على راجلها ..
تعرف تحافظ على بيتها وتربى ولادها .. وتخفف على جوزها مشاكل شغله وتوفر له
الراحه والهدوء وتستناه بالميه السخنه والملح ... مش عايزين ميه سخنه بس عايزين زوجه عدله
بذمتكم .. الشاب مننا يتجوز مين ؟.. ويروح ليه لواحده تحرق دمه .. شبكه وشقه
والفستان بتاعى .. اصل انا عايزه فرحى يتحكى بيه
دا لو دفع فيها 50 جنيه وهى بالمواصفات اللى فاتت دى تبقى واقفه عليه بخساره

اعزائى الانسات حلال فيكم العنوسه .. ومبروك عليكم اللقب وزيادة العدد
بنات اليومين دول كماله عدد ولا ايه Terrified

بنات اليومين دول كماله عدد ولا ايه Terrified

من طرف rawan الخميس مارس 12, 2009 9:42 am

انا معاك فى كل الكلام اللى انت بتقوله بس طبعا مش كله وطبعا مش كل البنات ككده بس لو كل بنت عرفت ان ليها اخ ليه نفس ظروف الشاب ده وفكرت كويس مش هترضى تعمل كده لان اللى مترضهوش لاخوها مترضهوش لحد وبعدين زى ما انت طرحت موضوع ان البنات مبيعجبهاش حاجه وانهم مبيقدروش يشيله مسئوليه حد وان الرجاله اكتر من البنات احب اقولك العكس ان الشباب مبيعجبهوش البنت المحترمه الملتزمه الى بتعرف تطبخ وتعرف تشيل مسئوليه ببتها وزوجها واولادها وبيبصى للبنت اللى لفه وعارفه وبتلبس كده وكدهانت فاهم طبعا وبيبصه للمظهر ومبيبصوش للجوهر وبالتلى بتطلع اللى بيبص لمنظرها ده هى بقى الللى مبتعرفش تطبخ ولا تعرف تشيل مسئوليه بيت وبتتنك على العريس وبتطلع القطط الفطسه وهو بيوافق لانه مبيبص للجوهر لانه لو بص لواحده محترمه وجوهرها كويس مش هتهتم بالاشياء ده على قد ما هتهم بالراجل اللى هتعيش معه طول العمر وراجل بمعنى الكلمه وبالتلى هتلاقى العكس ان الرجاله اقل بكتير من انت متوقع وبعدين بالنسبه للبنان والشباب ده حاجات نسبيه يعنى مش كل البنات كده ومش كل الشباب كده بس انت ممكن تكون بتكلم على اللى قبلك فى حياتك وشوفته وسمعته من اقاربك واصحابك ومعارفك
وبدليل انك اتكلمت على الميك اب وعمرو دياب يعنى معنى كده انها واحده مدلعه ومش متزنه ومعندهش ادنى مسئوليه لانها لو واحده رزينه ومتزنه كانت تعرف معنى مسئوليه البيت وواجبتها نحو زوجها قبل القدوم على الزواج والا لو هو وافق بقى يشرررررررررررررررب ويتجوزها على هذا النظام وهو حر بس مش معنى كده ان مفيش بنات على عكس كل كلامك وكتييييييييييييير اوى بس ممكن يكونوا مقبلكش حد بالمواصفات ده

من طرف ro7 الخميس مارس 12, 2009 10:52 am

اولا الله يبارك فيك على اللقب
ثانيا اسلوبك الساخر اصاب جزء كبير من الحقيقه
ثالثا بقى وده الاهم ان فعلا مبقاش فى رجاله لان اللى يتجوز واحده بالمواصفات دى يبقى خساره فيه اللقب وبما ان المعظم بيتجوزوا من الاصناق دى يبقى فعلا يبقوا رجاله اسما
لان الراجل بجد بيعتمد ف مواصفاته على مواصفات العقل واللى يتجوز واحده عروسه مولد شكل وبس يستاهل يتحمل نتيجه عمله
انما البنات بجد المسؤلات والمتزنات وربات المنزل واللى يستحقوا لقب شريكه حياه بحق وحقيقى قاعدين ف بيوتهم
ومره تانيه اشكرك على اللقب *عانس* اعتبره وسام على صدر اى بنت قاعده من غير متتجوز واحد من السطحيين اللى بيختاروا امثال عينه الميك اب والاكل الشايط والروشنه زى مبيقولوا
ومبروك عليكم سيديهات عمرودياب والميك اب
مبروك علينا لقب عانس
طبعا ده اللى حبيت اضيفه على رد روان

من طرف hamsa الخميس مارس 12, 2009 11:28 am

انا شايفه يا جماعه انه عنده حق بس نقول ده حالات نسبيه
وان فى شباب كده وفى بنات كده فمش صح نعمم
وانا فى رايى ان فى بنات معندهاش اى قدره على المسئوليه بس صدقونى فى كتير عندهم القدره ده وكتير اوى بس لازم على الشاب ان يحسن الاختيار وان ميبصش للمظهرلان البنات اللى بيتكلم عليهم دول مظهر وخلاص بس من جواهم مش قد المسئوليه وان الراجل يعرف يميز بين ده
(وبين ده الرسول قال( استوصوا بالنساء خيرا
وفى شباب مينفعش ان اى حد يوافق عليهم انت نفسك متقبلهوش لاختك يعنى الشباب اللى بتقف على النواصى او اللى بيقعوا علىى القهوى ومعندهمش غير القاعده مع الاصحاب ويتكلم مع ده ويعاكس ده مينفعوش بالمره ان حد يوافق عليهم واللى يبص لوحده على مظهرها وبس يبقى يستهل اللى يتعمل فيه وعلى الشروط اللى بتشرط عليها لان لو واحده كويسه طالما الانسان راجل وقد المسئوليه ويقدر يفتح بيت توافق عليه وهى مغمضه حتى لو مجبش كل اللى هى عايزه وانا عندى لقب العنسه احسن بكتير من انى اتجوز حد مش قد المسئوليه واختارنى علشان جمالى وبس
واشكرك على لفظ عانس Wink

من طرف rivana86 الثلاثاء مارس 17, 2009 10:40 am

اولا شكرا على الموضوع لانو موضوع مهم وبيمس الواقع انا اوافقك الراى انه يوجد فتيات كثيرات لا يصلحن لزواج لكن يوجد فتيات كثيرات يقدرن تحمل المسؤولية ومساعدة الزوج مقابل ان يكن سعيدات ولن لاسف هذه الايام فعلا لا يوجد رجال يستطعون تحمل مسؤولية البت والزوجة والاولاد كل الشباب الان لا يعرفون سوى معاكسة البنات والسهر و الاغانى والكورة وبعد ذالك ياتون يتذمرون من البنات ويرمون بالوم عليهن اخيرا اريد ان اقول انو فى تقصير من الطرفين البنات والشباب لكن الواحد لما يقدم على الارتباط لازم يختار صح لان الزواج مسؤولية وليس لعبة

من طرف **ابو تريكة** الثلاثاء مارس 17, 2009 9:12 pm

مشكور يا هاني علي الموضوع الرائع ده و ياريت بنات اليومين دول يفهموا

بنات اليومين دول كماله عدد ولا ايه

بنات اليومين دول كماله عدد ولا ايه

رد: بنات اليومين دول كماله عدد ولا ايه

رد: بنات اليومين دول كماله عدد ولا ايه

رد: بنات اليومين دول كماله عدد ولا ايه

رد: بنات اليومين دول كماله عدد ولا ايه

رد: بنات اليومين دول كماله عدد ولا ايه