همسات آخر الليل

من طرف **samehsh** الأحد مارس 07, 2010 4:20 am

همسات آخر الليل

حبيبى قاللى بتحبينى؟؟

هو حبيبى اه .. بس بين قلبى وبينى

قاللى بصراحة كدة وبينك وبينى

هيكون حبك عليّة دينى

وهخلصله بعد اخلاصى لربى ودينى

ويا ستى لو على حبك فأنا قلبى ملكك

ويشهد عليّة ربى انى دايب فى حبك

واوعدك هتبقى حياتى فى نبض قلبك

دة كلامى كله فى هواكى وسيرتى سيرتك

وراحتى فى راحتك وفرحتى فى فرحك

وحزنى فى حزنك .. يا بنت الناس انا بحبك

واوعدك هتبقى حياتى معاكى

كفاح وكبح جماح

ومفيش فى بالى غير النجاح

وهتعيشى معايا مرتاحة

وهتبقى حياتك معايا براح فى براح

دة انا قلبى فى حبك عاش مرتاح

دة انتى القمر فى سما قلبى

الله الله على عيونك .. والله الله على حبى

عيونك لا بتبوح .. ولا بتقدر تخبى

ولمسة يدك حنينة على يدى

يا قمر الليلل يا احلامى

انتى سبب الهامى واشعارى وكل كلامى

انتى هوايا فى صحوى وانتى حلمى فى منامى

قلبى فى حبك للهوى فارد حناح

وبعادك عنى عامل فى فلبى زى الرماح

ومحطوط على رقبتى سيف دبّاح

وانا عمال اصرخ واصرخ

وقلبى ياما قال نواح و نواح

ويقوللى متبعدنيش عن حبايبى

وكفاية تسيب فيّة جراح

انتى فرحة قلبى وزهرة حبى ونور الصباح

بشوف فى عنيكى بريق لمّاح

وفى خدودك خدود تفاح

و فى عتابك ولومك مشرط ارّق جرّاح

بحبك وشوقى على ملامحى بان

لو يوم تسيبينى ومترديش على سؤالى بحنان

بيفضل صوتك فى ودنى صوت رنان

وقلبى بيبقى صوته صوت انسان

انسان مهموم مجروح .. صوت زنان

وساعتها بس بعرف ان آن الآوان

وانى خلاصى معاد موتى بعدك حان

وانا جنبك بلمس معنى الحب المستكين

وفى كلامك بدوق طعم الحنين

وفى سلامك بنسى الآنين

بنسى اوجاعى وآلام السنين

ولو حتى انا كنت فين وبقيتى فين

مش هنسى أبدا فى يوم انك

خليتى قلبى آوان نبضه من تانى يحين

حبيت فيكى الاحساس

وكتبت فى حبك كلمتين

و دى همسات قلبى فى آخر الليل

لكن اللى جوايا أكبر من كدة بكتير

و ابعد من الحب اللى ممكن يخطر على بالك

بمدينة واتنين وتلاتة .. ودنيا ودنيتين

ولا يخلص فى حبك كلامى

ولو بقى ملو بحور الدنيا ولا ملو نهر النيل

ولا حتى لو فضلت اتكلم عنه سنين وسنين

بحب الحب فى حبك وخاتم سليمان فى فمك

واوصفلك بس ازاى ؟؟ آه يانى من دة جمال

جمال الكحل المرسوم ع الرمش فى عيونك

ولون عيونك العسلى وحتى النغزة فى خدودك

ومش قادر اعرف يا حبى .. فى حبك ايه حدودك؟

ومش قادر اعيش فى الحياة بدونك

ولا بقدر اشوف الدمع فى جفونك

واتمنى دايما يا عمرى اشوف الضحكة فى عيونك

يا بت بالعربى كدة تعبتينى

وبعدهالك بحبك .. وبسألك بتحبينى ؟؟

قوليلى بقى كلمة بحبك وريحينى

وبدعى دايما الله يكون فى عونى

ما أنتى برزانة عقلك علقتينى

وفى جنون حبك وقعتينى

قلبى فى حبك عصفور وبرفرف بجناحينى

وانتى ساكتة كدة ولا بتطمنينى

يعنى بذمتك كدة يرضيكى ؟؟

..والله ف سماه دة كدة عمره ما يرضينى

وبالآسكندرانى بقى بنحبوكى

وامل حياتنا يا بت نتجوزوكى

قوليلى بقى ع المعاد

اللى هيكون حبيبى فرحان

همسات آخر الليل F13b5f2977