واحد عصبى فتح منتدى .. شوفوا شروط التسجيل

من طرف **سمارة** الإثنين ديسمبر 15, 2008 12:54 pm

لقد تغيرت شروط التسجيل في المنتدى ...
.
وتم تغيير اسم المنتدى ليواكب مرحلة ما بعد الحرب الباردة
اعرفوا الشروط كويس....وافهموها....

واللي مش عجباه الشروط ربنا ي**ر صوابعه دى ال بتكتب ع الكمبيوتر...

ولا على ايه يخبط راسه ف اقرب حيط....احنا مش بنلعب....وال عايز يبقى معانا يقبل شروطنا....فهمتوااااااااااااااا
.
بما ان الموقع موقعي ..ربنا يخلينى يارب ويباركلى ويرزقنى ويوفقنى زى مانا خدمتكوا وعملت المنتدى دا....
ف ال عايز يسجل معنا يوافق على الشروط من غير م يفتح بؤه....

والشروط هي...

1- اللي يغلط ف اي واحد من الاعضاء هنجيه هنا وهنظبطه ضرب ..انا قولت احنا مش بنلعب

2-اللي هيغلط ف ا لدين ولا بالسياسه....دا بقى عذابه عذاب. هخليه يتخيل انه قرد ولا عمره داق موز....
وهحجزله له على اقرب رحله على طياره ترش الجراد وارميه من على ارتفاع 50000 الف قدم
وينزل على نخله طويييييييييييييله...علشان ما يرجعلناش تانى ..... انا قولت احنا مش بنلعب

3- انتم كاعضاء ليكوا انكوا تكتبوا بس....محدش يعملى مواقب ولا مشرف ولا كلام فاضى من دا.....
فهمتوا ولا افهمكم...

4- مسموح الذب...والذب هي كلمه اتيه من الذباب وهي فعل مضارع جمع ت**ير مضارع
بسيط...فهمتوا...صح ولا مش صح...قولوا صح والا مش هنقبلك ف المنتدى
...واللي بيزعل من الذب هنخبطه على دماغه وف وشه نخليه بيص ف المرايه ويطلع الاخطاء التسععشر
انا مش متلخبط وعارف انها التسعه عشر ..بس منتدايا بقى واتكلم واكتب فى براحتى ولا فى مانع .. لا والنبى قول فى مانع

5- اللي بيسجل باسماء غريبه...والا مخله بالادب....دا بنوديه لاقرب شيخ يظبطه..وبعدين بناخذه لأقرب بحر...وبنغطسه وبنطلعه...ونغطسه ونطلعه لحد م يقول....
اشهد ان العجله عربيه... قولتلكوا احنا مش بنلعب

6- قريتوا الشروط........هاه عجبتكم....فهمتوها...طيب ما عندناش تسجيل اليومين دول ...واللي عايز يسجل معنا يرسل لي ايميل على التليفون بتاعى ال انا م قولتش رقمه .. واذا كان عاجبكوا بقى

ملاحظه......

ال بنكتشف انه ولد ومسجل باسم بنت او بنت ومسجله باسم ولد
دول بنخلى وشوشهم كلمات متقاطعه يصعب حلها.....وانتوا حُرين

موافق.................

غير موافق...............

و لو عندك دم اكتب غير موافق.......

اووووووووووف